ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

យុវជនចាប់ផ្ដើមចេញបាតុកម្មប្រឆាំងរដ្ឋាភិបាលស្រីលង្កា

  • ចុះផ្សាយថ្ងៃទី០៧ ខែមេសា ឆ្នាំ២០២២ ម៉ោង ១២:៣២ នាទី ដោយ Hun Sirivadh
  • 2166
  Aa |   aA

ស្រីលង្កា៖ ក្រុមបាតុករវ័យក្មេងបានប្រមូលផ្តុំគ្នានៅក្នុងរដ្ឋធានីរបស់ប្រទេសស្រីលង្កាកាលពីថ្ងៃពុធ ទី៦ ខែមេសា ដើម្បីធ្វើបាតុកម្មប្រឆាំងនឹងរដ្ឋាភិបាលខណៈដែលប្រទេសនេះបានទទួលរងនូវវិបត្តិសេដ្ឋកិច្ចដ៏អាក្រក់បំផុតក្នុងរយៈពេលជាច្រើនទសវត្សរ៍។

ឈរនៅទីលានឯករាជ្យក្នុងទីក្រុងកូឡុំបូ លោក Kasumi Ranasinghearachchi អាយុ ២៦ឆ្នាំបាននិយាយថាការតវ៉ានេះគឺដោយសារតែ «ការគៀបសង្កត់ឥតឈប់ឈរដោយរដ្ឋដែលព្យាយាមបំបិទមាត់យើង»។

ការតវ៉ាដែលដឹកនាំដោយយុវជនបានបន្តជារៀងរាល់ថ្ងៃចាប់តាំងពីថ្ងៃអាទិត្យ ទី៣ ខែមេសា ហើយពួកគេបាននិយាយថា ពួកគេនឹងមិនបញ្ឈប់រហូតដល់ប្រធានាធិបតីបំពេញតាមការទាមទារ ឬលាលែងពីតំណែង។

ប្រធានាធិបតីស្រីលង្កាលោក Gotabaya Rajapaksa បានលុបចោលការដាក់ប្រទេសក្នុងភាពអាសន្នកាលពីល្ងាចថ្ងៃអង្គារ ទី៥ ខែមេសា បន្ទាប់ពីសមាជិកសភារាប់សិបនាក់បានដើរចេញពីក្រុមចម្រុះដែលកំពុងកាន់អំណាច ដោយទុកឱ្យរដ្ឋាភិបាលរបស់គាត់ស្ថិតក្នុងក្រុមភាគតិចនៅក្នុងសភា ខណៈដែលតស៊ូដើម្បីលុបបំបាត់ការតវ៉ាប្រឆាំងនឹងវិបត្តិ។

ប្រជាជនបានរងការខ្វះខាតប្រេងឥន្ធនៈ ថាមពល អាហារ និងរបស់របរផ្សេងៗជាច្រើនសប្តាហ៍ ហើយគ្រូពេទ្យនិយាយថា ប្រព័ន្ធសុខភាពទាំងមូលអាចនឹងដួលរលំ។ មួយថ្ងៃមុនប៉ូលិសស្រីលង្កាបានប្រើឧស្ម័នបង្ហូរទឹកភ្នែក និងកាណុងបាញ់ទឹកដើម្បីបំបែកក្រុមបាតុកររាប់រយនាក់ដែលបានប្រមូលផ្តុំគ្នានៅខាងក្រៅផ្ទះឯកជនរបស់នាយករដ្ឋមន្ត្រី Mahinda Rajapaksa ក្នុងទីក្រុង Tangalle ។

វាបានកើតឡើងនៅពេលដែលប្រធានាធិបតីស្រីលង្កា Gotabaya Rajapaksa បានទម្លាក់ប្អូនប្រុសរបស់គាត់ជារដ្ឋមន្ត្រីហិរញ្ញវត្ថុកាលពីថ្ងៃចន្ទបន្ទាប់ពីការរំសាយរដ្ឋាភិបាល និងអំពាវនាវឱ្យមានការគ្រប់គ្រងឯកភាព ខណៈដែលការតវ៉ាជុំវិញវិបត្តិសេដ្ឋកិច្ចរបស់ប្រទេសផ្តោតលើតួនាទីរបស់គ្រួសារកាន់អំណាច។

មនុស្សរាប់រយនាក់បានធ្វើបាតុកម្មដោយកាន់បដា និងស្រែកពាក្យស្លោកប្រឆាំងរដ្ឋាភិបាល។

មូលបត្របំណុលប្រាក់ដុល្លាររបស់ប្រទេសស្រីលង្កាបានធ្លាក់ចុះជាង ៥សេនធៀបជាមួយប្រាក់ដុល្លារក្នុងការជួញដូរដំបូង និងបារម្ភថាអាចធ្លាក់ដល់ ៤៥សេននេះបើតាមទិន្នន័យ Tradeweb។

ការចំណាយរបស់ប្រទេសស្រីលង្កាបានលើសពីប្រាក់ចំណូលរបស់ខ្លួនជាបន្តបន្ទាប់ ខណៈដែលការផលិតទំនិញ និងសេវាកម្មដែលអាចដោះដូរបានមិនគ្រប់គ្រាន់។ ឱនភាពទ្វេរដងត្រូវបានលាតត្រដាងយ៉ាងធ្ងន់ធ្ងរដោយជំងឺរាតត្បាតកូវីដ-១៩ ដែលបានធ្វើឱ្យខូចវិស័យទេសចរណ៍ ដែលជាកត្តាចម្បងសេដ្ឋកិច្ច៕


ព័ត៌មានជាច្រើនទៀតសម្រាប់អ្នក